“Arsenal”, Viktor Gyökeres üçün danışıqları davam etdirir
Bakı, 1 may, Tsport.az
“Sporting” klubunun forvardı Viktor Gyökeresin “Arsenal”a keçidi ilə bağlı transfer xəbərləri gündəmdə qalmağa davam edir.
Tsport.az xəbər verir ki, 25 yaşlı isveçli hücumçu bu mövsüm Primeira Liga və avrokuboklarda nümayiş etdirdiyi məhsuldar çıxışı ilə Avropanın bir sıra aparıcı klublarının maraq dairəsinə düşüb.
“Arsenal” rəhbərliyi Gyökeresin transferini gerçəkləşdirmək üçün danışıqları davam etdirir. Əgər bu keçid reallaşarsa, o, “topçular”ın hücum xəttinə əlavə güc qatacaq.
Qeyd edək ki, Viktor Gyökeres cari mövsüm bütün turnirlər üzrə 30 matçda 38 dəfə rəqib qapısına yol tapıb.
