Atletlərimizdən daha 2 medal
Bakı, 25 iyun , Tsport.az
Sloveniyanın Maribor şəhərində keçirilən atletika üzrə komandalar arasında Avropa çempionatında Azərbaycan millisi uğurlu çıxışla yadda qalıb.
Tsport.az xəbər verir ki, turnirin 3-cü Divizionunda yarışan yığmamızın üzvləri ilk gündən parlaq nəticələr göstəriblər. 100 metr məsafəyə qaçışda Əlhəm Nağıyev 10.42 saniyəlik göstərici ilə 14 atlet arasında birinci yeri tutaraq qızıl medal qazanıb. Qadınlar arasında eyni məsafədə mübarizə aparan Lamiyə Vəliyeva isə 11.62 saniyə nəticə ilə ikinci yeri tutub və gümüş medala sahib çıxıb.
Qeyd edək ki, bu nəticələr Azərbaycan millisinin 2-ci Diviziona yüksəlmək uğrunda mübarizəsində mühüm rol oynaya bilər. Yarış iki gün davam edəcək və yekunda ilk üç yeri tutan komandalar növbəti diviziona vəsiqə qazanacaq.
Azərbaycan atletlərinin bu uğurlu startı komandamızın ümumi nəticəsinə ciddi təsir göstərə bilər. Yarışların davamında digər idmançılarımızdan da yüksək nəticələr gözlənilir.
