Azərbaycan liqalarında yeni mövsümdə istifadə olunacaq toplar müəyyənləşib
Bakı, 13 mart, Tsport.az
Azərbaycan futbolunda 2025/2026 mövsümündən etibarən istifadə olunacaq toplar müəyyənləşib.
Tsport.az xəbər verir ki, Premyer Liqa və əvəzedici komandaların oyunçuları yeni mövsümdə “Adidas” markasının istehsal etdiyi “Conext25 PRO” toplarından istifadə edəcəklər. Bu toplar, yüksək keyfiyyətli və inkişaf etmiş texnologiyalarla təchiz olunub.
Ötən mövsümdə Premyer Liqada istifadə olunan “Fussballiebe” topu isə artıq yalnız I Liqa klublarına təqdim ediləcək. Bu top, 2024-cü ilin Avropa Çempionatı üçün xüsusi olaraq hazırlanmışdı.
II Liqa komandalarına isə “Adidas Tiro Pro” topları veriləcək. Bu toplar, kiçik liqaların oyunçuları üçün xüsusi olaraq seçilib və onlara hədiyyə olaraq təqdim ediləcək.
