Azərbaycan millisi yenə Belarusla bacarmadı
Bakı, 1 iyul , Tsport.az
Qadın futbolçulardan ibarət Azərbaycan milli komandası Belarusda keçirdiyi təlim-məşq toplanışı çərçivəsində ikinci yoxlama oyununu da məğlubiyyətlə başa vurub.
Tsport.az xəbər verir ki, Minskdə yerləşən “Traktor” stadionunda baş tutan qarşılaşmada komandamız Belarus yığmasına 0:2 hesabı ilə uduzub. Oyunu rusiyalı hakim Vera Opeykina idarə edib.
Bu, millimizin Belarusla ardıcıl ikinci məğlubiyyəti olub. İyunun 28-də keçirilən ilk oyunda Azərbaycan 0:3 hesabı ilə məğlubiyyətə uğramışdı.
Beləliklə, iki görüşdə milli komandamız ümumilikdə 5 cavabsız qol buraxıb.
