Azərbaycan və Özbəkistan birgə ev sahibliyinə görə FİFA-ya müraciət etdi
Bakı, 7 iyul , Tsport.az
Azərbaycan və Özbəkistan FİFA U-20 2027 dünya çempionatına birgə namizədlik irəli sürüblər. AFFA-nın saytında verilən məlumata görə, FİFA 2027-ci ildə 20 yaşadək futbolçular arasında keçiriləcək mundiala ev sahibliyi təkliflərini dəyərləndirir.
Tsport.az xəbər verir ki, bu addım futbol sahəsində aparılan islahatları, yaradılan infrastrukturun səviyyəsini və türkdilli ölkələrin beynəlxalq nüfuzunu əsas gətirir. Hər iki federasiya turniri yüksək səviyyədə təşkil etməyə tam hazır olduqlarını bəyan edib.
AFFA-nın məlumatında vurğulanır ki, Azərbaycandakı bir sıra stadionlar artıq beynəlxalq standartlara cavab verir. Ölkəmiz son illərdə aşağıdakı nüfuzlu yarışları uğurla keçirib:
- AVRO-2020-nin bir neçə oyunu
- UEFA Avropa Liqasının final matçı
- U-17 Avropa çempionatı
- U-17 qızlar arasında dünya çempionatı
FİFA və UEFA rəsmiləri Bakıda keçirilən bu turnirləri yüksək qiymətləndirib.
