“Sabah” Vincent Thill ilə vidalaşdı
Bakı, 28 iyun , Tsport.az
“Sabah” Futbol Klubu yay fasiləsində heyətində növbəti dəyişiklik edib. Klubun rəsmi açıqlamasına görə, Lüksemburq millisinin üzvü Vincent Thill ilə müqavilə yenilənməyib və futbolçu komandanı tərk edib.
Tsport.az xəbər verir ki, 2023-cü ildən “Sabah”ın formasını geyinən 24 yaşlı yarımmüdafiəçi bu müddət ərzində Premyer Liqada 35 oyunda çıxış edərək 3 qola imza atıb. Onun ayrılığı ilə Masazır klubu son günlərdə baş məşqçi Vasili Berezutski və futbolçular Şakir Seyidov, Jon Irazabal və Namiq Ələsgərov ilə yollarını ayırdıqdan sonra heyətdəki yenilənməni davam etdirir. Yeni mövsüm öncəsi klubun formalaşan yeni heyəti diqqətlə izlənilir.
