Azərbaycan milli komandasının tək bombardiri: Emin Mahmudov
Bakı, 9 sentyabr , Tsport.az
Azərbaycan milli komandasının kapitanı Emin Mahmudov Ukrayna yığması ilə keçirilən DÇ-2026-nın seçmə mərhələ oyununda qol vurararaq, tarixi rekorda imza atıb.
Tsport.az xəbər verir ki, yarımmüdafiəçi millinin heyətində qollarının sayını 15-ə çatdırmaqla ən məhsuldar futbolçu olub. O, sabiq hücumçu Qurban Qurbanova məxsus 21 illik rekordu yeniləyib.
“Qarabağ”ın baş məşqçisi 1992–2005-ci illər ərzində millinin heyətində keçirdiyi 68 oyunda 14 dəfə fərqlənib.
Qurbanov sonuncu qolunu 2004-cü ildə Latviya ilə yoldaşlıq görüşündə (2:2) vurmuşdu. Emin Mahmudov isə 2016-cı ildən şərəfini qoruduğu Azərbaycan millisinin heyətində 56-cı matçında 15 qola çatıb.
Kapitanımıza gələcək oyunlarda da bol qollar və uğurlar arzulayırıq!
Aytac Mustafayeva
