Bakıda Beynəlxalq Cüdo təlimləri başlayıb
Bakı, 25 iyul , Tsport.az
Bakıda, Abşeron Olimpiya İdman Kompleksində Avropa Cüdo Birliyinin (EJU) təşkilatçılığı ilə beynəlxalq təlim sessiyalarına start verilib. Bu əhəmiyyətli tədbir Azərbaycan cüdosunun inkişafına mühüm töhfə verəcək.
Tsport.az xəbər verir ki, ilk seminara serbiyalı tanınmış mütəxəssis Aleksandar Kukolj rəhbərlik edib. Texniki sessiyada milli komandanın məşqçilərindən Slavko Tekić və Kotaro Sasaki, həmçinin yerli cüdo ekspertləri Orxan Səfərov, Asiman Allahverdiyev və Rafiq Nəcəfov iştirak ediblər.
Üç gün davam edəcək bu təlimlərə 14 ölkədən 400-dən çox yeniyetmə cüdoçu qatılıb. Bu, gənc idmançılar üçün beynəlxalq təcrübə qazanmaq və bacarıqlarını artırmaq üçün əla fürsətdir.
Qeyd edək ki, sabahdan etibarən ölkəmiz Avropa Cüdo Ümidləri Turnirinə ev sahibliyi edəcək. Bu turnir gənc cüdoçuların potensialını nümayiş etdirmək üçün böyük bir platforma olacaq.
