“Benfica” Otamendi ilə yollarını davam etdirir
Bakı, 28 iyun , Tsport.az
Portuqaliyanın nəhəng klubu “Benfica” kapitanı Nicolas Otamendi ilə müqaviləni uzadıb.
Tsport.az xəbər verir ki, 37 yaşlı təcrübəli müdafiəçi ilə yeni razılaşma 2026-cı ilin yayına qədər qüvvədə olacaq.
2020-ci ildən “Benfica”da forma geyinən argentinalı futbolçu bu müddətdə klubla Portuqaliya çempionluğu, ölkə kuboku və superkubokun sevincini yaşayıb. O, həmçinin 2022-ci ildə Argentina millisinin heyətində dünya çempionu tituluna da layiq görülüb.
