“Chelsea” mövsümün ulduzlarından Moisés Caicedo ilə uzunmüddətli gələcək planlaşdırır
Bakı, 7 may, Tsport.az
“Chelsea” yarımmüdafiəçisi Moisés Caicedo ilə olan uzunmüddətli əməkdaşlığını davam etdirmək niyyətindədir.
Tsport.az xəbər verir ki, London klubu 23 yaşlı ekvadorlu oyunçunun performansından razıdır və onu komandanın əsas sütunlarından biri kimi görür.
2023-cü ildə “Brighton”dan 115 milyon funt qarşılığında transfer olunan Caicedo, bu mövsüm “Chelsea” forması ilə 41 oyunda meydana çıxıb. O, 1 qol və 5 məhsuldar ötürmə ilə komandasına fayda verib, eyni zamanda müdafiə və keçid oyunundakı stabilliyi ilə diqqət çəkib.
Hazırda onun “Stamford Bridge”dəki müqaviləsi 2031-ci ilə qədər qüvvədədir, lakin klub onunla razılaşmanı daha da gücləndirmək üçün yenilənmiş şərtlərlə danışıqlara başlamağı planlaşdırır.
