“Aston Villa”dan möhtəşəm oyun
Bakı, 20 aprel, Tsport.az
İngiltərə Premier Liqasının 33-cü turunda “Aston Villa” öz meydanında “Newcastle United”i qəbul edib və rəqibini inamlı oyunla darmadağın edib.
Tsport.az xəbər verir ki, Villa Park-da baş tutan qarşılaşma Jarred Gillettin baş hakimliyi ilə keçirilib. Matçın start fitindən cəmi bir dəqiqə sonra Ollie Watkins ev sahiblərinə üstünlük qazandırıb. Qonaqlar bu qola 17-ci dəqiqədə cavab verib – Fabian Schär hesabı bərabərləşdirib.
İkinci hissədə Unai Emerynin yetirmələri tam üstünlük əldə ediblər. 64-cü dəqiqədə Maatsen yenidən komandasını önə keçirib. Ardınca Dan Burn 73-cü dəqiqədə avtoqolla fərqi artırıb. Yalnız iki dəqiqə sonra Amadou Onana son nöqtəni qoyaraq hesabı 4:1-ə çatdırıb.
Bu nəticədən sonra “Aston Villa” 57 xalla turnir cədvəlində 6-cı pilləyə yüksəlib. “Newcastle United” isə 59 xalla üçüncü yerdə qərarını qoruyur.
