Viktor Gyökeres “Qızıl Buts” mübarizəsində Mohamed Salah-ı qabaqladı
Bakı, 28 aprel, Tsport.az
“Sporting”-in hücumçusu Viktor Gyökeres, Liverpool (Liverpul)-un ulduzu Mohamed Salahı “Qızıl Buts” mübarizəsində geridə qoyub.
Tsport.az xəbər verir ki, 26 yaşlı İsveçli forvard, Portuqaliya çempionatının XXXI turunda, Boavista ilə keçirilən matçda (5:0) poker vurmaqla bu uğura imza atıb.
Cari mövsümdə Gyökeres Portuqaliya çempionatında 38 qol vurub və Qızıl Buts yarışında (1,5 əmsal) 57 xal toplamağı bacarıb. Premier Liqanın nümayəndəsi Salah isə 28 qol ilə (2 əmsal) 56 xal toplayaraq ikinci pillədə yer alır.
İlk “üçlüy”ü “Barcelona”-nın forvardı Robert Lewandowski 50 xalla tamamlayır.
