Fatih Terimin komandası 9 oyundur davam edən məğlubiyyətsizlik seriyasını itirib
Bakı, 2 may, Tsport.az
Fatih Terimin başçılıq etdiyi “Al-Shabab” Səudiyyə Ərəbistanı Pro Liqasında 30-cu turda gözlənilməz məğlubiyyətlə üzləşib.
Tsport.az xəbər verir ki, səfərdə “Al-Fateh”lə qarşılaşan “Al-Shabab” matçın ilk 16 dəqiqəsində ardıcıl 3 qol buraxaraq oyunda geri düşüb. Rəqibin hücumçuları Cristian Cueva Vargas (2-ci dəqiqə), Sofiane Bendebka (4-cü dəqiqə) və Mourad Batna (16-cı dəqiqə) fərqləniblər. Qonaq komanda yalnız 13-cü dəqiqədə Sebastián Giovinco Quanca ilə cavab qolu vurmağa nail olub.
Bu nəticə ilə Fatih Terimin komandası 9 oyundur davam edən məğlubiyyətsizlik seriyasını itirmiş oldu. Oyun sonu gərginlik isə Daniel Podensenin 90+2-ci dəqiqədə birbaşa qırmızı vərəqə alması ilə nəticələnib.
Hazırda turnir cədvəlində “Al-Shabab” 51 xalla 6-cı, “Al-Fateh” isə 33 xalla 11-ci pillədə qərarlaşıb.
