Giorgi Meşvildişvili Polşada qızıl medal qazandı
Bakı, 4 avqust, Tsport.az
Azərbaycanın sərbəst güləşçisi Giorgi Meşvildişvili növbəti uğura imza atıb. Paris-2024 Yay Olimpiya Oyunlarının bürünc mükafatçısı olan idmançımız Polşada keçirilən beynəlxalq turnirdə qızıl medal qazanıb.
Tsport.az xəbər verir ki, 125 kq çəki dərəcəsində çıxış edən Meşvildişvili Varşavada təşkil olunan ənənəvi yarışda bütün rəqiblərinə qalib gələrək fəxri kürsünün ən yüksək pilləsinə qalxıb. Turnir Polşanın tanınmış güləşçilərinin xatirəsinə həsr olunub.
Qeyd edək ki, Giorgi Meşvildişvili ötən ay zədələndiyi üçün Macarıstanda keçirilən reytinq turnirində iştirak etməmişdi. Bu uğur onun formaya qayıtdığını göstərir.
