“İmkanlar axtaracağıq” – Yevgeni Kukseviç
Bakı, 25 iyun , Tsport.az
Bu gün AFFA İcraiyyə Komitəsinin iclası keçirilib. Komitənin qərarı ilə Yevgeni Kukseviç Azərbaycan millisinin baş məşqçisi təyin olunub.
Tsport.az xəbər verir ki, rusiyalı mütəxəssislə anlaşma 1 illikdir. Təyinatı ilə bağlı 53 yaşlı baş məşqçi azfutzal.az-a bunları deyib:
“Milli komandada işləmək böyük məsuliyyət və şərəfdir. Komandanı formalaşdırmaq üçün çox iş görməliyik. İşləri elə qurmalıyıq ki, millinin özəyini təşkil edən futzalçılar “Araz-Naxçıvan”da da yer alsın və daim nəzarətimizdə olsun. Onların inkişafı çox vacibdir. Tək məşqlərlə yox, beynəlxalq oyunlarda da iştirak lazımdır. Millinin qarşıda rəsmi oyunları olmasa da, bu boşluğu doldurmaq üçün imkanlar axtaracağıq”.
