İntizam Komitəsi cəzaları açıqladı

Bakı, 6 iyun , Tsport.az

Bu gün keçirilən İntizam Komitəsinin iclasında Azərbaycan Kuboku finalı, I və II Liqa pley-off oyunları ilə bağlı bir sıra qərarlar qəbul edilib.

“Qarabağ” klubunun dörd futbolçusunun sarı vərəqə alması səbəbindən klub 700 manat cərimə olunub.
Məşqçi Müşfiq Hüseynov, hakimin qərarına etiraz edərək meydançaya daxil olduğuna görə iki oyunluq cəza alıb və klub 1500 manat cərimələnib.
Futbolçu Yassin Benzia, hakimi təhqir etdiyi və fiziki təzyiq göstərməyə cəhd etdiyi üçün beş oyunluq cəza alıb, klub isə 3000 manat məbləğində cərimələnib.
“Qarabağ” və “Sabah” azarkeşlərinin pirotexniki vasitələrdən istifadə etməsi səbəbindən hər iki klub 1500 manat cərimə edilib.
“Sabah” klubunun beş futbolçusunun sarı vərəqə alması səbəbindən klub 700 manat məbləğində cərimələnib.

“Hypers Guba” azarkeşlərinin pirotexniki vasitələrdən istifadəsi səbəbindən klub 150 manat cərimə olunub.

“Lerik” və “Şirvan” komandalarının dörd futbolçusu sarı vərəqə aldığı üçün hər iki klub 70 manat cərimələnib.