“Karvan” klubunda daha bir ayrılıq
Bakı, 29 iyun , Tsport.az
Yeni mövsümdən Misli Premyer Liqasında mübarizə aparacaq “Karvan” komandasında növbəti futbolçu ilə yollar ayrılıb.
Tsport.az xəbər verir ki, müdafiəçi Müşviq Teymurov ilə müqavilənin müddəti başa çatıb və tərəflər ayrılmaq qərarına gəlib.
Yerli futbol məktəbinin yetirməsi olan Teymurov son iki mövsümdə “Karvan” forması ilə 45 oyuna çıxıb və komandanın kapitan heyətində yer alıb. Onun ayrılığı azarkeşlər üçün ciddi boşluq kimi qiymətləndirilir.
Qeyd edək ki, bu yay “Karvan” həmçinin Emil Qasımov, Ezekiel Morgan, Bəhruz Teymurov, İzzət Müştaqov və Elvin İsmayılov ilə də yollarını ayırıb. Komandada ciddi dəyişikliklərin baş verəcəyi ehtimal olunur.
