“Leicester” qol vurmadan uduzan ilk komanda olub

Bakı, 8 aprel, Tsport.az

İngiltərənin “Leicester” klubu, İngiltərə çempionatları tarixində ardıcıl 8 ev matçında qol vurmadan uduzan ilk komanda olub.

Tsport.az xəbər verir ki, bu antirekord, “Leicester”-in “Newcastle” qarşısında evdə 0:3 məğlub olmasından sonra gerçəkləşib. Rud van Nistelroyun baş məşqçi olduğu komanda, son 18 Premyer Liqa matçında yalnız iki qələbə qazana bilib, bir dəfə heç-heçə edib.

Hazırda “Leicester” 17 xalla turnir cədvəlinin 19-cu sırasındadır.