Leroy Sané “Bayern Munich”dən ayrılmağa hazırlaşır
Bakı, 6 may, Tsport.az
Almaniya millisinin sürətli vingeri Leroy Sané-nin “Bayern Munich”dəki gələcəyi sual altındadır.
Tsport.az xəbər verir ki, 29 yaşlı ulduz futbolçu klubdan istədiyi səviyyədə yeni müqavilə təklifi almasa, Münhen təmsilçisindən ayrılmağa qərarlıdır.
Hal-hazırda tərəflər arasında danışıqlar davam edir. Sané, təkmilləşdirilmiş şərtlərlə yeni müqavilə gözləyir, lakin istəkləri qarşılanmasa, yay transfer pəncərəsində klubla vidalaşa bilər.
Vəziyyəti yaxından izləyənlər arasında “Arsenal” və “Chelsea” kimi Premyer Liqa nəhəngləri də var. Hər iki London klubu təcrübəli oyunçunu heyətinə qatmaqda maraqlıdır.
