“Liverpool” yeni transferə imza atmaq istəyir
Bakı, 12 mart, Tsport.az
Çempionlar Liqasında mübarizəni dayandıran Liverpool (Liverpul) klubu növbəti mövsüm üçün transfer çalışmalarına başlayıb.
Tsport.az İngiltərə mətbuatına istinadən verir ki, Mersisayd təmsilçisi Bournemouth (Bornmut)-un cinah müdafiəçisi Milos Kerkezi transfer etmək istəyir.
Kerkez, cari mövsümdə Premyer Liqada 28 oyunda 2 qol vurub və 5 məhsuldar ötürmə edib. Transfermarkt portalına görə, macarıstanlı futbolçunun transfer dəyəri 28 milyon avro təşkil edir.
