Luka Modric İtaliyaya transfer olmaq üzrə
Bakı, 3 iyun, Tsport.az
“Real Madrid”in veteran yarımmüdafiəçisi Luka Modrićin gələcək karyerası ilə bağlı müzakirələr sürməkdədir.
Tsport.az xəbər verir ki, 39 yaşlı xorvatiyalı oyunçu İtaliyanın A Seriyasına keçməyə maraq göstərir və “Milan” onun üçün potensial transfer hədəfi olaraq qeyd olunur. Tərəflər arasında danışıqlar hələ də davam edir və yaxın günlərdə qərarın açıqlanacağı gözlənilir.
Qeyd edək ki, Modrić 13 mövsüm “Real Madrid”də çıxış etdikdən sonra klubdan ayrıldığını açıqlayıb. O, İspaniya klubunda 6 Çempionlar Liqası, 4 La Liga titulunu və 1 “Qızıl Top” mükafatını qazanaraq, klub tarixinin ən uğurlu futbolçularından biri kimi yadda qalıb.
