Millimiz heç-heçə ilə kifayətləndi

Bakı, 9 sentyabr ,  Tsport.az 

Azərbaycanın U-21 millisi Avropa çempionatının seçmə mərhələsində növbəti oyununu keçirib. B qrupunda yer alan komandamız Bakıda Bolqarıstan yığmasını qəbul edib.

Tsport.az xəbər verir ki, “Dalğa Arena”da baş tutan görüş 1:1 hesabı ilə başa çatıb. U-21 millimizin yeganə qolunu 41-ci dəqiqədə Emin Rüstəmov vurub. Qonaqlar isə cəmi üç dəqiqə sonra Nikola İliyevin qolu ilə hesabı bərabərləşdiriblər.

Qeyd edək ki, millimiz qrupda növbəti oyununu oktyabrın 10-da səfərdə Çexiya yığmasına qarşı keçirəcək.

Aytac Mustafayeva