Millimiz Qazaxıstana yollanıb
Bakı, 22 iyun , Tsport.az
Azərbaycanın U-16 qızlardan ibarət milli komandası Qazaxıstanın Atrau şəhərində keçiriləcək “Airom Cup” beynəlxalq turnirində iştirak etmək məqsədilə bu ölkəyə yola düşüb.
Tsport.az xəbər verir ki, 22-25 iyun tarixlərində baş tutacaq turnir, yığmamız üçün Avropa çempionatına hazırlıq prosesinin əsas mərhələlərindən biri kimi nəzərdə tutulub.
Millimiz turnirdə ilk qarşılaşmalarını 23 iyun tarixində keçirəcək. Komandamız həmin gün Qazaxıstanın iki təmsilçisi — “Aul Sport” və “Barsy Atrau” klubları ilə qarşılaşacaq.
Turnirdə iştirak edən heyətə və oyun proqramına dair əlavə məlumatların növbəti günlərdə ictimaiyyətə təqdim olunacağı gözlənilir.
