Millimizdən 6 medal

Bakı, 28 iyun , Tsport.az 

Kocaelidə təşkil olunan Yaşar Doğu, Vehbi Əmrə və Hamit Kaplanın xatirəsinə həsr olunmuş ənənəvi turnirin ikinci günü Azərbaycan güləşçiləri üçün uğurlu nəticələrlə yadda qalıb.

Tsport.az xəbər verir ki, xalçaya çıxan 7 idmançımızdan 6-sı medal qazanaraq ölkəmizə sevinc yaşadıb.

Yunan-Roma güləşçilərimizdən Nihad Quluzadə (60 kq) və Məhəmməd Şükürzadə (67 kq) gümüş, Laçın Vəliyev (87 kq) isə bürünc medal əldə edib. Qadınlar arasında isə Elnurə Məmmədova (53 kq) gümüş, Nərgiz Səmədova və Birgül Soltanova isə müvafiq olaraq 53 və 62 kq çəki dərəcələrində bürünc medala sahib olublar.

Xatırladaq ki, turnirin ilk günündə Əsmər Cankurtaran (50 kq) və Gültəkin Şirinova (55 kq) beşinci yerlə kifayətlənib. Yarışın son iki günündə sərbəst güləş üzrə mübarizələr davam edəcək. Güləşçilərimizə növbəti qarşılaşmalarda uğurlar! 🇦🇿🤼‍♀️