Paul Pogba 18 aydan sonra futbola qayıtdı

Bakı, 29 iyun , Tsport.az 

Fransa millisinin sabiq üzvü Paul Pogba, uzun fasilədən sonra futbola qayıdıb. 32 yaşlı yarımmüdafiəçi “AS Monaco” ilə 2027-ci ilin yayına qədər müqavilə imzalayıb və bu anlarda göz yaşlarını saxlaya bilməyib.

Tsport.az xəbər verir ki, Pogba 2024-cü ilin fevralında dopinq qaydalarını pozduğu üçün 4 illik diskvalifikasiya almışdı. Lakin CAS (İdman Arbitraj Məhkəməsi) bu cəzanı 18 aya endirmiş və o, mart ayında cəzasını başa vurmuşdu.

Karyerası ərzində Pogba:

• “Manchester United” və “Juventus”da çıxış edib
• Avropa Liqasının qalibi, İtaliya çempionatının 4 qat qalibi
• İtaliya Kuboku (2 dəfə) və Superkubok (3 dəfə) sahibi olub
• Fransa millisində 2018-ci ildə dünya çempionu, Millətlər Liqasının qalibi və Avropa çempionatının vitse-çempionu adını qazanıb