“PSG” müdafiəçisi Presnel Kimpembe Qətərə transfer olunur
Bakı, 4 sentyabr, Tsport.az
Fransa nəhəngi PSG-nin oyunçusu Presnel Kimpembe karyerasını Qətərdə davam etdirməyə yaxındır.
Tsport.az xəbər verir ki, 30 yaşlı müdafiəçi ilə aparılan danışıqların son mərhələdə olduğu bildirilir. Transferin sentyabrın 16-dək – ölkədə transfer pəncərəsi bağlanmadan – rəsmiləşdirilməsi gözlənilir.
Kimpembe ilə maraqlanan digər klublar arasında Səudiyyə Ərəbistanı təmsilçiləri də olub. Lakin onların transfer cəhdləri uğursuz nəticələnib.
Qeyd edək ki, fransalı futbolçu 2024/2025 mövsümündə PSG forması ilə beş oyunda meydana çıxıb.
