“Qəbələ”dən daha bir transfer
Bakı, 5 iyul , Tsport.az
Azərbaycan Premyer Liqası təmsilçisi “Qəbələ” yay transfer pəncərəsində heyətini daha bir gənc legioner ilə gücləndirib. Klubun rəsmi açıqlamasına əsasən, Angola əsilli sağ cinah oyunçusu Paulo Quimbila ilə 3 illik müqavilə imzalanıb.
Tsport.az xəbər verir ki, 19 yaşlı futbolçu son olaraq “Al-Ahli” (Bahrain) komandasında çıxış edib. Gənc yaşına baxmayaraq, Quimbila artıq peşəkar səviyyədə təcrübə toplayıb və sürətli oyun tərzi ilə seçilir. Onun əsas mövqeyi sağ vinger olsa da, hücumun müxtəlif zonalarında da oynamaq bacarığı var.
Bu transferlə “Qəbələ” klubu yay fasiləsindəki üçüncü legionerini heyətinə qatmış olur. Daha əvvəl Prince Owusu və Isaac Amoah da komandaya cəlb olunmuşdu.
