“Trabzonspor” yarımfinala yüksəlmək üçün mübarizə aparacaq
Bakı, 1 aprel, Tsport.az
Trabzonspor, Ziraat Türkiye Kuboku çərçivəsində Sipay Bodrum FK-ni qəbul edəcək.
Tsport.az xəbər verir ki, oyun sabah saat 18:45-də Papara Park stadionunda baş tutacaq və qarşılaşmanı hakim Zorbay Küçük idarə edəcək.
A qrupunu 2 qələbə, 1 heç-heçə və 7 xalla lider tamamlayan Trabzonspor, bu mərhələni keçərək yarımfinala adlamaq istəyir. Bu oyunun qalibi Beşiktaş – Göztepe cütünün qalibi ilə yarımfinalda üz-üzə gələcək.
Trabzonspor heyətində bəzi çatışmazlıqlar var. Batagov, Hüseyin Türkmen və Anthony Nwakaeme zədə səbəbindən qarşılaşmada iştirak edə bilməyəcək.
