Yay Azərbaycan çempionatına start verildi
Bakı, 6 iyun , Tsport.az
Gənclər və İdman Nazirliyi və Azərbaycan Atletika Federasiyasının təşkilatçılığı ilə Yay Azərbaycan çempionatı start götürüb. Açılış mərasimində federasiyanın baş katibi Məhərrəm Sultanzadə və Gənclər və İdman Nazirliyinin sektor müdiri Sevda Mirzəyeva yarışın əhəmiyyətini vurğulayaraq idmançılara uğurlar arzulayıblar.
Tsport.az xəbər verir ki, çempionatda 160-dan çox atlet iştirak edir. Yarış dünya çempionatı və İslam Həmrəyliyi Oyunlarına lisenziya qazanmaq, Komandalararası Avropa çempionatı və Balkan çempionatına seçim baxımından böyük önəm daşıyır.
Turnirin ilk günündə bir sıra atletlər uğurla çıxış edərək Azərbaycan çempionu adına sahib olublar:
- 100 metr məsafəyə qaçış – Əlhəm Nağıyev və Lamiyə Vəliyeva
- 400 metr məsafəyə qaçış – Novruz Əsədli və İlahə Quliyeva
- 1500 metr məsafəyə qaçış – Bəxtiyar Əsgərli və Anna Yusupova
- 100 metr sədlərlə qaçış – Ləman İsfəndiyarova
- 3000 metr maneələrlə qaçış – Əmrah Nağıyev
- Üç təkanla tullanma – Rüstəm Məmmədov və Yekaterina Sarıyeva
- Hündürlüyə tullanma – Ələkbər Əsgərov və Zeynəb Qəmbərova
- Şüvüllə tullanma – Cabir Əliyev
- Nüvə itələmə – İsmayıl Əliyev və Səkinə Hacızadə
- Nizə atma – Orxan Qasımov və İradə Əliyeva
Turnir davam edir və idmançılar növbəti günlərdə də mübarizəni davam etdirəcəklər.
